डॉ. मणिभाई देसाई सहकारी पतसंस्थेचे संस्थापक अध्यक्ष राजेंद्र (बापू) कांचन यांच्या वाढदिवसानिमित्त विविध सामाजिक उपक्रम
✍️ नितीन करडे.
उरुळी कांचन : डॉ. मणिभाई देसाई सहकारी पतसंस्था मर्या. उरुळी कांचन (ता. हवेली) या संस्थेचे संस्थापक अध्यक्ष मा. श्री. राजेंद्र (बापू) ज्ञानोबा कांचन यांच्या वाढदिवसानिमित्त गुरुवार, दि. ३० जुलै २०२६ रोजी सकाळी ११.०० वाजता विविध सामाजिक व शैक्षणिक उपक्रमांचे आयोजन करण्यात आले आहे.
राजेंद्र (बाप्पू) ज्ञानोबा कांचन
-संस्थापक अध्यक्ष-
हा कार्यक्रम रॉयल बँक्केट हॉल, पुणे–सोलापूर रोड, कृपा रोझ नर्सरी शेजारी, उरुळी कांचन, ता. हवेली, जि. पुणे येथे पार पडणार असुन त्यावेळी इयत्ता १० वी व १२ वीमध्ये विशेष प्राविण्य मिळविणाऱ्या गुणवंत विद्यार्थ्यांचा सत्कार करण्यात येणार असून, गरीब व गरजू विद्यार्थ्यांना शालोपयोगी साहित्याचे वाटप केले जाणार आहे. तसेच विविध शाळांमध्ये पी.टी. युनिफॉर्म, खाऊ व शालेय साहित्य वितरणाचा उपक्रमही राबविण्यात येणार आहे.
पर्यावरण संवर्धनाचा संदेश देण्यासाठी वृक्षारोपण व वृक्षरोपे वाटप करण्यात येणार असून, विद्यार्थी व युवकांसाठी प्रेरणादायी व्याख्यानाचे आयोजन करण्यात आले आहे.
या कार्यक्रमासाठी ज्येष्ठ शिक्षणतज्ज्ञ मा. प्रा. डॉ. विनोद बाबर हे प्रमुख व्याख्याते म्हणून उपस्थित राहणार असून, ते “आता थांबायचं नाय…!” या विषयावर प्रेरणादायी मार्गदर्शन करणार आहेत. या सामाजिक उपक्रमांचा लाभ घेण्यासाठी विद्यार्थी, पालक व नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.
