ओतूर पोलिस व स्थानिक गुन्हे शाखेची मोठी कारवाई; दरोड्याच्या तयारीतील आंतरराज्यीय टोळी जेरबंद, २० गुन्हे उघड; पुणे ग्रामीण पोलिसांचे सर्वत्र कौतुक!
✍️ नितीन करडे
पुणे : ओतूर पोलीस ठाणे हद्दीत दरोडा टाकण्याच्या तयारीत असलेल्या आंतरराज्यीय दरोडेखोरांच्या टोळीतील सहा आरोपींना पोलिसांनी अटक केली आहे. आरोपींकडून गावठी पिस्टल, जिवंत काडतूस, धारदार हत्यारे, चोरीचे वाहन व इतर साहित्य असा एकूण १४ लाख ८७ हजार ८२० रुपयांचा मुद्देमाल जप्त करण्यात आला आहे. या कारवाईत महाराष्ट्र व तेलंगणा राज्यातील गंभीर स्वरूपाचे २० गुन्हे उघडकीस आले आहेत.
दि. १२ जुलै २०२६ रोजी लोणी प्रवरा (जि. अहिल्यानगर) येथून चोरीस गेलेली बोलेरो जीप क्र.(MH-17-AJ-3075) ओतूर पोलीस ठाणे हद्दीतील कोळवाडी परिसरात आढळून आली होती. वाहन मालकाच्या नातेवाईकांनी संशयितांना विचारणा केली असता वाद झाला. यावेळी “चोर-चोर” असा आवाज दिल्याने ग्रामस्थ जमा झाले. ग्रामस्थांनी दोन आरोपींना पकडले, तर चार आरोपी डोंगर परिसरात पळून गेले. घटनेची माहिती मिळताच स्थानिक गुन्हे शाखा व ओतूर पोलिसांनी तातडीने शोधमोहीम सुरू केली. आलमे गाव परिसरातील डोंगर-दऱ्यांमध्ये सुमारे सहा तास शोध घेत पोलिसांनी उर्वरित चार आरोपींना स्थानिक नागरिकांच्या मदतीने ताब्यात घेतले.
“अटक करण्यात आलेल्या आरोपींमध्ये “
१) सोनूसिंग टाक (हडपसर), २) जिलूसिंग दुधानी (खोपोली), ३) करणसिंग टाक (परभणी), ४) पंकजसिंग शिकलगार (अंबरनाथ), ५) पापीसिंग टाक (परभणी) ६) मंगलसिंग दुधानी (परभणी)
यांचा समावेश आहे.पोलिसांच्या चौकशीत आरोपींनी महाराष्ट्र व तेलंगणा राज्यातील दरोडे, दरोड्याचा प्रयत्न, जबरी चोरी, घरफोडी व वाहन चोरीचे गुन्हे केल्याचे निष्पन्न झाले. यामध्ये २ दरोडे, १ दरोड्याचा प्रयत्न, २ जबरी चोरी, १३ घरफोडी व २ वाहन चोरीचे गुन्हे उघड झाले असून आरोपींवर यापूर्वी ५० पेक्षा अधिक गंभीर गुन्हे दाखल असल्याचे समोर आले आहे.
ही कौतुकास्पद कारवाई पुणे ग्रामीण पोलीस अधीक्षक संदीपसिंग गिल्ल, अपर पोलीस अधीक्षक शुभमकुमार, जुन्नर विभागाचे उपविभागीय पोलीस अधिकारी धनंजय पाटील, स्थानिक गुन्हे शाखाचे पोलीस निरीक्षक प्रमोद शिरसागर यांच्या मार्गदर्शनाखाली, जुन्नर पोलीस स्टेशनचे दत्तात्रय गुंड, महादेव शेलार ओतूर पोलीस स्टेशनचे सहाय्यक पोलीस निरीक्षक ज्ञानेश्वर बाजगिरे, पो शि युवराज जाधव पोलीस अंमलदार आनंदा भवारी, बाळशिराम भवारी, धनंजय पालवे, सुरेश गेंगजे, दिनेश साबळे, नामदेव कांबळे, नरेंद्र गोराने, देविदास खेडकर, दिपक साबळे, राजू मोमीन, संदीप वारे, अक्षय नवले, म पो हवा संगीता मधे, रेश्मा फापाळे, पो शि मनोज राठोड, रोहित बॉबले ज्योतीराम पवार, सुभाष केदारी, विशाल गोडसे, योगेश उकिर्डे, मपोशी काळे, त्याचप्रमाणे जुन्नर आर. सी. पी पथक यांनी ही कौतुकस्पद कामगिरी केली आहे. तसेच आरोपींचा शोध घेण्यासाठी आलमे गावच्या डोंगर परिसरात राबविण्यात आलेल्या शोधमोहीमेत बल्लाळवाडी, आलमे, कोळवाडी, डिंगोरे येथील नागरिक व पोलीस पाटील यांचे मोलाचे सहकार्य ठरले. गुन्हयाचा पुढील तपास स्था. गु.शा. चे पथक व ओतूर पोलीस स्टेशन करत आहेत.
