व्यवसायकाला ५० लाखाची खंडणी मागणाऱ्या आरोपीला मुंढवा पोलीसांनी १२ तासाच्या आत केले अटक

July 31, 2025

✍️ नितीन करडे

पुणे : मुंढवा पोलीस स्टेशन हद्दीतील एका व्यवसायिकाला पन्नास लाखाची खंडणी मागितल्या प्रकरणातील आरोपीला १२ तासात मुंढवा पोलिसांनी जेरबंद केले आहे. ता. २६ जुलै रोजी पासुन ते २९ जुलै रोजीपर्यत व्हॉटसअँप नंबरवर अनोळखी मोबाईल नंबरवरुन एका व्यवसायिकाला कॉल करुन ‘तुमने बहुत पैसा कमाया है मुझे ५० लाख रुपये खंडणी चाहीये, नही तो मै तुम्हारा मर्डर करुंगा” असे वेळोवेळी व्हॉटस ॲप कॉलवरुन व्यवसायिकाला धमकी देत होता. व त्याचेवर पाळत ठेवत असल्याची मुंढवा पोलीस स्टेशन येथे तक्रार दाखल केली होती. त्या अनुषंगाने मुंढवा पोलिसांनी तात्काळ दखल घेत आरोपीला १२ तासांच्या आत अटक केले आहे.यात तपास पथक प्रमुख सपोनि राजु महानोर व पथकातील पोलीस अंमलदार यांनी व्हॉटस ॲप कॉल करणाऱ्या गुन्हेगाराचा शोध घेतला व त्याने गुन्हा केल्यापासुन त्याचा मोबाईल फोन बंद करुन पसार झाल्याचे तपास करताना आढळुन आले. त्यावरुन गुन्हयाचे तपासी अधिकारी सपोनि राजु महानोर व त्याचे पथकाने अनोळखी खंडणी मागणाऱ्या मोबाईल धारकाचे फोनचे तात्रिक विश्लेषण करुन, तो व्यवसायकाला ता. ३० जुलै रोजी ९ : ३० वाजण्याच्या दरम्यान घोरपडी पुणे येथे भेटण्यासाठी येणार असल्याची माहिती बातमीदारामार्फत मिळाली. अशी माहिती मिळताच पो अंमलदार अक्षय धुमाळ, स्वप्नील रासकर यांना त्या ठिकाणी सापळा लाऊन ९ : ३० वाजण्याच्या दरम्यान आरोपी अनिकेत अनिल पावल वय २४ वर्षे रा. भिमनगर, बिलाल मस्जिद शेजारी, घोरपडी, पुणे यांस खंडणीच्या गुन्ह्यात गुन्हयात अटक करण्यात आली आहे.