एंजल हायस्कूलमध्ये कायदे व सुरक्षा जनजागृती! , पोलीस निरीक्षक सचिन वांगडे व ॲड. राजगुरू यांचे मार्गदर्शन
✍️नितीन करडे |
उरुळी कांचन : हवेली तालुक्यातील उरुळी कांचन येथील एंजल हायस्कूल येथे “विद्यार्थी सुरक्षा व सुरक्षितता” या विषयावर जनजागृतीपर कार्यक्रमाचे आयोजन करण्यात आले. या कार्यक्रमात सचिन वांगडे, पोलीस निरीक्षक, उरुळी कांचन पोलीस स्टेशन तसेच ॲड राजगुरू यांनी विद्यार्थ्यांना अत्यंत उपयुक्त मार्गदर्शन केले.
कार्यक्रमात विद्यार्थ्यांना वाहतूक नियमांचे पालन, अमली पदार्थांचे दुष्परिणाम, तसेच महिला व मुलींच्या सुरक्षेसाठी असलेल्या पोक्सो कायद्याची माहिती देण्यात आली. विद्यार्थ्यांनी उत्स्फूर्तपणे प्रश्न विचारून या विषयांबद्दल अधिक जाणून घेतले.
या मार्गदर्शना वेळी सुमारे २०० विद्यार्थी, १५ शिक्षकवर्ग तसेच पोलीस कर्मचारी उपस्थित होते. तसेच यावेळी एंजल हायस्कूलच्या वतीने प्राचार्या रीना देशमुख यांच्या हस्ते पोलीस निरीक्षक सचिन वांगडे व ॲड राजगुरू यांचा सत्कार करण्यात आला.
सदर कार्यक्रमाचे आयोजन व नियोजन वाहतूक विभाग, उरुळी कांचन पोलीस स्टेशन व एंजल हायस्कूल प्रशासन यांच्या संयुक्त विद्यमाने करण्यात आले.
