संजय कुंजीर यांच्या ५० व्या वाढदिवसानिमित्त सामाजिक उपक्रम
✍️नितीन करडे
उरुळी कांचन प्रतिनिधी ; ता १६, वळती (ता. हवेली) येथील माजी उपसरपंच संजय (काका) कुंजीर यांच्या ५० व्या वाढदिवसानिमित्त सामाजिक उपक्रम म्हणून रक्तदान, मोफत आरोग्य शिबिर तसेच वृक्षारोपण करण्यात आले. या शिबिराचे आयोजन वळती येथील ग्रामदैवत तुकाई, भैरवनाथ मंदिर येथील परिसरात करण्यात आले. या उपक्रमाचे उद्घाटन शिरूर हवेली चे आमदार ज्ञानेश्वर माऊली आबा कटके आणि इंजि. सरपंच लक्ष्मण भाऊसाहेब कुंजीर यांच्या हस्ते करण्यात आले. त्यांनी आपल्या भाषणात असे उपक्रम समाजासाठी प्रेरणादायी असल्याचे सांगितले. तसेच रक्तदान हे श्रेष्ठदान आहे.
शिबिरात शेकडो नागरिकांनी उत्स्फूर्तपणे सहभाग घेतला. रक्तदानासाठी युवकांनी विशेषतः मोठ्या संख्येने गर्दी केली होती. तसेच आरोग्य तपासणी शिबिरात बी.पी.,शुगर, हिमोग्लोबिन, डोळ्यांची तपासणी आदी चाचण्या करण्यात आल्या. परिसरातील अनेक नागरिकांनी या सुविधांचा लाभ घेतला. डी वाय पाटील रुग्णालय पिंपरी यांच्या संयुक्त विद्यमानाने रक्तदान व मोफत आरोग्य शिबिराचे आयोजित करण्यात आले. यावेळी रक्तदात्यांचा सन्मान करून भेटवस्तू देण्यात आल्या. यावेळी ग्रामदैवत तुकाई भैरवनाथ मंदिर परिसरात वृक्षारोपण करण्यात आले.शिबिराचे आयोजन संजय (काका) कुंजीर यांच्या वतीने करण्यात आले होते. त्यांनी उपस्थितांचे आभार मानत असे उपक्रम भविष्यातही राबवण्याची ग्वाही दिली.
यावेळी मा.अध्यक्ष पुणे जिल्हा परिषद प्रदीप कंद, पुणे जिल्हा नियोजन समिती सदस्य- दिलीप वाल्हेकर, संचालक कृ उ बा समिती – प्रशांत काळभोर, वनपरिक्षेत्र अधिकारी पुणे- सुरेश वरक, सभापती कृ उ बा समिती पुणे- प्रकाश जगताप, वन परिमंडळ अधिकारी- प्रमोद रासकर, संचालक कृ उ बा समिती पुणे- सुदर्शन चौधरी, उपसभापती कृ उ बा समिती- शशिकांत गायकवाड, शिंदवणे माजी सरपंच आण्णासो महाडिक, उद्योजक संतोष घोलप, दादा कुलाल, किरण कुंजीर, पोलीस पाटील मोहन कुंजीर, दत्तात्रेय चौधरी, चंद्रकांत टिळेकर, तसेच आधी मान्यवर, ग्रामस्थ मित्रपरिवार मोठ्या संख्येने उपस्थित होता.
