✍️नितीन करडे
उरुळी कांचन : पोलीस असल्याची बतावणी करून ज्येष्ठ नागरिकांना लुटत असणाऱ्या गुन्हेगाराला लोणी काळभोर येथून पोलिसांनी अटक केले आहे. (ता. ०८ ) जुलै रोजी युनिट ६, गुन्हे शाखेकडील सपोनि मदन कांबळे व पोलीस अंमलदार लोणी काळभोर हद्दीत पेट्रोलिंगकरीत असताना पोलीस अंमलदार नितीन मुंढे व कानिफनाथ कारखेले यांना जेष्ठ नागरिकांना पोलिस असल्याची बतावणीकरून लुटणारा सराईत रेकॉर्डवरील आरोपी नामे मोहम्मद राजु इराणी वय ३१ वर्ष रा. पठारे वस्ती लोणी काळभोर, पुणे हा एमआयटी कॉर्नर या ठिकाणी येणार असल्याची माहिती मिळाली. सदर माहितीच्या अनुषंगाने नमूद ठिकाणी सापळा रचुन सदर सराईत आरोपीस होंडा शाईन या मोटार सायकल सह ताब्यात घेतले. त्याचेकडे केले तपासात त्याने त्याचे इतर साथीदारांसह १) वाघोली, शिरूर हद्दीत अनेक गुन्हे केल्याचे निष्पन्न झाले आहे. आरोपीकडुन १,००,०००/-रु.किं.ची होंडा कंपनीची शाईन एस.पी. मोटार सायकल व ५६,०००/- रु. किं.ची ७ ग्रॅम वजनाची सोन्याची अंगठी असा एकुण १,५६,०००/-रू.किं.चा ऐवज जप्त करण्यात आला आहे.
हि कामगीरी अपर पोलीस आयुक्त (गुन्हे), पुणे शहर पंकज देशमुख, पोलीस उप-आयुक्त, आर्थिक व सायबर, पुणे शहर अति कार्य गुन्हे, विवेक मासाळ, सहा. पोलीस आयुक्त गुन्हे – २, राजेंद्र मुळीक, पोलीस निरीक्षक, युनिट ६, गुन्हे शाखा वाहीद पठाण यांचे मार्गदर्शनाखाली गुन्हे शाखा, युनिट -६ कडील सपोनि राकेश कदम, सपोनि मदन कांबळे, पो अंमलदार बाळासाहेब सकटे, नितीन मुंढे, सारंग दळे, कानिफनाथ कारखेले, प्रशांत कापुरे, गिरीष नाणेकर, सुहास तांबेकर, ऋषीकेश ताकवणे, सचिन पवार, ऋषीकेश व्यवहारे, शेखर काटे, नितिन धाडगे, बाळासाहेब तनपुरे यांनी केली आहे.
