पुणे–सोलापूर महामार्गावर मृत्यूला निमंत्रण देणाऱ्या बलकर चालकाला उरुळी कांचन पोलिसांकडून अटक
नितीन करडे
पुणे–सोलापूर महामार्गावर मृत्यूला निमंत्रण देणाऱ्या सिमेंट बलकर चालकाला उरुळी कांचन पोलिसांनी अटक केली आहे. महामार्गावर विरुद्ध दिशेने भरधाव वेगात धावणाऱ्या सिमेंट बलकरमुळे अनेक नागरिकांचा जीव गंभीर धोक्यात आला होता.
ही धक्कादायक घटना पुणे बुलेटिन न्यूजने प्रसिद्ध करताच उरुळी कांचन पोलीस व वाहतूक पोलिसांनी तात्काळ दखल घेत संबंधित बलकरचा शोध सुरू केला. काही वेळातच पोलिसांनी सदर बलकर चालकास ताब्यात घेऊन अटक केली आहे. नागरिकांमधुन “पुणे बुलेटिन न्युज” आणि पोलीसांचे कौतुक होत आहे.
सदर चालकाविरोधात गुन्हा दाखल करण्याची प्रक्रिया सुरू असून, ही कारवाई वाहतूक पोलिसांच्या माध्यमातून करण्यात आल्याची माहिती समोर आली आहे. महामार्गावरील अशा बेजबाबदार वाहनचालकांवर कठोर कारवाई करण्यात येणार असल्याचा इशाराही पोलिस प्रशासनाकडून देण्यात आला आहे.
