पुणे–सोलापूर महामार्गावर बलकर ट्रकला आग; नागरिकांचा जीवावरचा मदतीचा प्रयत्न
✍️ नितीन करडे
यवत, पुणे — पुणे–सोलापूर महामार्गावरील यवत हद्दीत पांगारकर पेट्रोल पंपासमोर पुण्याकडे जाणाऱ्या एमएच-12 WJ 5362 या 14 टायर बलकर ट्रकला आज सायंकाळी अचानक आग लागली. ही घटना सायंकाळी साडेआठच्या सुमारास घडली.
प्रत्यक्षदर्शींच्या माहितीनुसार, ट्रकच्या मागील बाजूस अचानक धूर निघू लागला आणि काही क्षणांतच वाहनाने पेट घेतला. घटनास्थळी उपस्थित असलेल्या नागरिकांनी कोणतीही भीती न बाळगता तात्काळ मदतकार्य सुरू केले.
स्थानिक नागरिक विशाल जाधव, लौकिक सोनकांबळे, तसेच बोरा अॅग्रो फ्रूटचे व्यवस्थापक शिवाजी कड यांनी त्वरित पाण्याचा टँकर उपलब्ध केला. व आदी स्थानिक नागरिकांच्या सहकाऱ्यांच्या मदतीने पाण्याचे फवारे मारून आग नियंत्रणात आणण्याचा प्रयत्न सुरूच ठेवला आणि अखेर आग आटोक्यात आणण्यात यश मिळाले.
दरम्यान, घटनेची माहिती मिळताच यवत पोलीस तातडीने घटनास्थळी दाखल झाले. स्थानिक नागरिकांच्या सतर्कता आणि धाडसामुळे मोठ्या अनर्थाचा प्रसंग टळला.
