उरुळी कांचन येथे महावीर जयंती मोठ्या उत्साहात साजरी
✍️ नितीन करडे
उरुळी कांचन प्रतिनिधी : हवेली तालुक्यातील उरुळी कांचन येथे भगवान महावीर जयंती मोठ्या उत्साहात आणि भक्तिभावाने साजरी करण्यात आली. यानिमित्त गावातून भव्य मिरवणूक काढण्यात आली. या मिरवणुकीत पुरुष व महिलांनी मोठ्या संख्येने सहभाग नोंदवून वातावरण भक्तिमय केले. मिरवणुकीदरम्यान भगवान महावीरांच्या प्रतिमेची आकर्षक सजावट करण्यात आली होती. भजन, कीर्तन आणि घोषणांनी परिसर दुमदुमून गेला होता. पारंपरिक वेशभूषेत सहभागी झालेल्या महिला आणि युवकांनी मिरवणुकीची शोभा वाढवली. संपूर्ण गावातून उत्साहात मिरवणूक मार्गक्रमण करत असताना नागरिकांनी ठिकठिकाणी स्वागत केले. काही ठिकाणी पिण्याच्या पाण्याची व अल्पोपहाराची व्यवस्था करण्यात आली होती.
यावेळी जैन श्रावक संघाचे अध्यक्ष देविदास भन्साळी, तसेच विनोद कुंकुलोळ, शरद भटेवर, पराग राठोड, अभय कुंकुलोळ, निखिल चोरडिया, सागर ओसवाल, सागर खिवंसरा, सचिन राठोड, गणेश लुंकड, राहुल भंडारी, विशाल ओसवाल, विशाल मुथा, कल्पेश राठोड, प्रकाश मुथा, संपत अच्छा, पारस कर्नावट, रमेश टाटिया, हेमंत भन्साळी आदी पुरुष, महिला, ग्रामस्थ उपस्थित होते .
कार्यक्रमाच्या यशस्वी आयोजनासाठी स्थानिक मंडळे व नागरिकांनी परिश्रम घेतले. शांततेत व आनंददायी वातावरणात हा सोहळा पार पडला.
