पुणे–सोलापूर महामार्गावरील उरुळी कांचन पोलीस स्टेशन हद्दीत वाहतूक कोंडी; नायगाव चौक ठरत आहे प्रमुख कारण
✍️नितीन करडे
पुणे सोलापूर महामार्गावरील उरुळी कांचन पोलिस स्टेशन हद्दीत शुक्रवार रोजी सायंकाळी वाहतूक कोंडीची तीव्र समस्या निर्माण झाली होती. पुण्याच्या दिशेने जाणाऱ्या लेनमध्ये कांबळे बस स्टॉप ते कुंजीरवाडीपर्यंत मोठी कोंडी झाली. असून वाहनांच्या लांबच लांब रांगा लागल्या.यात रुग्णवाहिकेला ही मिळेना रस्ता.
केवळ एक किलोमीटरचा प्रवास करण्यासाठी तब्बल अर्धा तास लागत असल्याची तक्रार वाहनचालकांनी व्यक्त केली आहे. महामार्गावरील कुंजीरवाडी येथील नायगाव चौक हा वाहतूक कोंडीचा मुख्य अडथळा ठरत असून या ठिकाणी वाढलेली क्रॉस-ट्रॅफिक हालचाल, यु-टर्न आणि चौकातील असमाधानकारक व्यवस्थेमुळे वाहतूक पूर्णपणे ठप्प होत आहे.
दरम्यान, वाहतूक पोलिसांना कोंडीत अडकलेल्या वाहनचालकांनी त्वरित अतिरिक्त मनुष्यबळ तैनात करण्याची मागणी केली जात आहे.
