नितीन करडे
उरुळी कांचन प्रतिनिधी : उरुळी कांचन, सोरतापवाडी, कोरेगामुळ, शिंदवणे, वळती, भवरापुर, टिळेकर वाडी, नायगाव, तसेच पेठ परिसरात दत्त जयंती मोठ्या उत्साहात साजरी करण्यातआली.
कस्तुरी प्रतिष्ठान हे अनेक वर्षापासून दत्त जयंती निमित्त मोफत सामुदायिक विवाह पार पाडत असुन या ही वर्षी सामुदायिक विवाह पार पडला. यात पाच विवाह पार पडले असुन सर्व कार्यकर्ते दिवस रात्र मेहनत घेतात साखरपुडयाची सुपारी फोडण्यापासुन हळदीचा कार्यक्रम ,नवरदेवाचा परण्याचा कार्यक्रम करून विवाह सोहळयात पार पाडला जातो .सर्व वऱ्हाडी मंडळींना भोजन दिले जाते. ह्या सामुदायिक विवाहात कस्तुरी प्रतिष्ठानच्या प्रत्येक सभासदाच्या योगदानातून हा विवाह पार पडतो असे कस्तुरी प्रतिष्ठानचे अध्यक्ष मिलिंद मेमाणे यांनी सांगितले.
दत्तवाडी येथे गेली अनेक वर्षापासून दत्त जयंती साजरी करत असुन येथे दर वर्षी महाप्रसादाचे आयोजन करण्यात येते. आज दोन हजाराच्या दरम्यान भक्तांनी दत्त जयंती निमित्त दत्त मंदिरात दर्शन घेऊन महाप्रसादाचा लाभ घेतला. दत्त जयंती कार्यक्रमात श्री दत्त मिञ मंडळाचा मोठा सहभाग असतो असे उरुळी कांचनचे माजी सरपंच तसेच श्री दत्त मिञ मंडळाचे अध्यक्ष राजू कांचन यांनी सांगितले.
