✍️नितीन करडे
पुणे : हवेली तालुक्यातील वाघोलीमध्ये एक धक्कादायक घटना घडल्याची समोर आले आहे. वाघोली येथील केसनंद फाट्याजवळ पुण्याकडून येणाऱ्या भरघाव डंपरने फूटपाथवर झोपलेल्या नऊ जणांना चिरडले. यावेळी डंपर चालक मद्यधुंद अवस्थेत असल्याची माहिती समोर आली आहे.या घटनेत तिघे जण जागीच ठार झाले आहे. यामध्ये मुलांच्या चुलत्या सह दोन बालकांचा समावेश असुन सहाजण गंभीर जखमी झाले आहेत. जखमीतील तिघांची प्रकृती चिंताजनक आहे. ही घटना रात्री १२ वाजण्याच्या सुमारास वाघोली येथील केसनंद फाट्यावरील पोलीस ठाण्याच्या समोर घडली आहे .
केसनंद फाट्यावर फूटपाथवर (मजुरी करणारे ) एकूण १२ जण झोपले होते. तर बाकी फूटपाथच्या बाजूला झोपड्यात झोपले होते.भरघाव डंपर सरळ फूटपाथवर चढून झोपलेल्यांच्या अंगावर गेला, यामध्ये तिघांचा जागीच मृत्यू झाला. तर सहाजण गंभीर जखमी झाले आहेत. जखमींना पुण्यातील सरकारी रुग्णालयात हलविण्यात आले आहे. जखमीमधील तीघे जण गंभीर जखमी झाल्याने त्यांची प्रकृती चिंताजनक आहे. डंपर क्रमांक ( एम एच- १२, व्ही एफ- ०४३७ ) असुन चालक गजानन शंकर तोट्रे वय २६ वर्षे, रा. नांदेड यावेळी चालक दारू पिलेल्या अवस्थेत सापडला असल्याची प्राथमिक माहिती समोर आली आहे. पोलीसांनी डंपर चालकास ताब्यात घेतले आहे. पुढील तपास वाघोली पोलीस स्टेशन चे पोलीस निरीक्षक पंडित रेजितवाड करत आहेत.
