काबुल:
अफगाणिस्तानची राजधानी काबूलमध्ये बुधवारी मोठा बॉम्बस्फोट झाला. या स्फोटात तालिबानचे निर्वासित आणि पुनर्वसन मंत्री खलील हक्कानी यांचा मृत्यू झाला. खलील हक्कानी हा हक्कानी नेटवर्कचा वरिष्ठ सदस्य होता. ते तालिबानचे अंतर्गत मंत्री आणि वरिष्ठ नेता सिराजुद्दीन हक्कानी यांचे काकाही होते. अफगाणिस्तानात येणाऱ्या निर्वासितांचा प्रश्न खलील हक्कानी हाताळत होता.
हक्कानी नेटवर्कमध्ये खलील हक्कानीची खूप महत्त्वाची भूमिका होती. एएफपीच्या वृत्तानुसार, घटनेच्या वेळी तालिबान नेता खलील हक्कानी हा मशिदीच्या आत होता. यावेळी बॉम्बचा स्फोट झाला. मशिदीत झालेल्या बॉम्बस्फोटानंतर खलील हक्कानीच्या मृत्यूची बातमी समोर आली.
मात्र, मशिदीत झालेल्या स्फोटात किती लोकांचा मृत्यू झाला हे अद्याप स्पष्ट झालेले नाही. खलील हा तालिबानसाठी फार पूर्वीपासून एक महत्त्वाचा लष्करी आणि राजकीय स्तंभ आहे. खलीलच्या नेतृत्वाखाली तालिबानने मोठी प्रगती केली आहे. तालिबान सरकारने खलील हक्कानीच्या मृत्यूला अद्याप दुजोरा दिलेला नाही.
