पुणे–सोलापूर महामार्गावर दोन स्कूल बसचा भीषण अपघात; दोन जण गंभीर, अनेक विद्यार्थी किरकोळ,
पुणे सोलापूर महामार्गावर अपघात ग्रस्तांना एक तास उलटूनही पोलीस मदत मिळेना ?
✍️नितीन करडे
पुणे सोलापूर महामार्गावरील सोरतापवाडी ग्रामपंचायत हद्दीत आज (ता. २२ नोव्हेंबर) दुपारी साडे ३ वाजण्याच्या सुमारास दोन स्कूल बसचा भीषण अपघात झाला. या दोन बसमध्ये पहिली ते दुसरीच्या वर्गातील सुमारे ८० ते ९० विद्यार्थी असल्याची माहिती स्थानिक नागरिकांनी दिली आहे.
प्राथमिक माहितीनुसार, पुणे कॅम्प येथील एका नामांकित शाळेतील तीन बस विद्यार्थ्यांना घेऊन रिसॉर्टवर सहलीसाठी गेल्या होत्या. सहल संपवून पुण्याकडे परतताना शौर्य वडा हॉटेल (सोरतापवाडी) समोर एका दुचाकी बसला आडवी आल्याने पुढील बस चालकाने अचानक ब्रेक मारला. मागून येणाऱ्या बसने पहिल्या बसला जोरदार धडक बसली असल्याचे बस चालक यांनी सांगितले.
व एम एच 12 वाय बी 7596 चालक अक्षय अंतरोळीकर वय ४२ हे जखमी झाले आहेत तर बस मधील अजुन एक जण गंभीर जखमी झाले असल्याचे चालक यांनी सांगितले. बस चालकाच्या सावधगिरीमुळे मोठा अनर्थ टळला.
अपघातात चालकासह एक जण गंभीर झाले असून विद्यार्थ्यांना किरकोळ मार लागला असल्याची माहिती स्थानिक नागरिकांनी मिळत आहे.
एक तास हुन अधिक वेळ वाहतूक ठप्प झाली होती. यावेळी आदेश चौधरी, अमोल गिरी, राम करके, सोहम सूर्यवंशी, आदी स्थानिकांनी अपघात ग्रस्त स्कूल बस मधील विद्यार्थ्यांना बाहेर काढण्यास मदत केली.
स्थानिक नागरिकांच्या आरोपानुसार, एक तास उलटूनही पोलिस घटनास्थळी पोहोचले नाही, त्यामुळे परिसरात नाराजी व्यक्त करण्यात आली. तासाहून अधिक वेळ वाहतूक ठप्प होती. अपघात वाहन भर रस्त्यातच, पुन्हा अपघातास निमंत्रण ?
