उरुळी कांचन पोलीस ठाणे हद्दीतील मंदिरात चोरी; चोर सीसी टीव्हीत कैद
✍️ नितीन करडे
उरुळी कांचन प्रतिनिधी : हवेली तालुक्यातील उरुळी कांचन पोलीस ठाणे हद्दीत मंदिरात चोरी झाली असुन चोर सीसी टीव्ही मध्ये कैद झाला आहे.
जेजुरी–बेल्हे राज्य मार्गावरील कोरेगाव मुळ ग्रामपंचायत हद्दीतील बोधे काकडे वस्ती येथील दत्त मंदिरात अज्ञात चोरट्याने दानपेटी फोडून रोख रक्कम वर डल्ला मारला आहे. ही घटना शनिवारी मध्यरात्री दीडच्या सुमारास घडल्याचे समोर आले आहे. चोरट्याचा संपूर्ण हालचालीचा प्रकार मंदिर परिसरात लावलेल्या सीसीटीव्ही कॅमेऱ्यात स्पष्टपणे कैद झाला आहे. चोराने मंदिराच्या दाराजवळील दानपेटी जबरदस्तीने उघडून त्यातील रोख रक्कम लंपास केली आहे.
सकाळी मंदिर व्यवस्थापक व ग्रामस्थांनी ही बाब लक्षात घेताच तत्काळ ११२ या हेल्प लाईनवर संपर्क साधुन घटनेची माहिती दिली . माहिती मिळताच उरुळी कांचन पोलीसांनी घटनास्याथळी भेट दिली. व पुढील तपास पोलीस करीत आहेत. या घटनेमुळे परिसरातील नागरिकांमध्ये भीतीचे वातावरण पसरले आहे.
