निरंकारी मिशनचा ‘वननेस वन’ प्रकल्प हिरवळीसह सेवा आणि समर्पणाची सौम्य अभिव्यक्ती
भवरापुर येथे ‘वननेस वन’ प्रकल्पाच्या पाचव्या टप्प्याचे आयोजन
✍️नितीन करडे
उरुळी कांचन प्रतिनिधी : सतगुरु माता सुदीक्षा जी महाराज आणि निरंकारी राजपिता रमित जी यांच्या पवित्र आशीर्वादाने ‘वननेस वन’ प्रकल्पाचा पाचवा टप्पा संत निरंकारी चॅरिटेबल फाउंडेशनने देशभरातील ६०० हून अधिक ठिकाणी मोठ्या भक्तीभावाने आणि उत्साहाने आयोजित केला. पुणे जिल्ह्यामध्ये भवरापूर (ता. हवेली) या ठिकाणी देखील आज (ता. १७ ऑगस्ट) रविवार रोजी या प्रकल्पाच्या पाचव्या टप्प्याचे आयोजन करण्यात आले. भवरापुर या ठिकाणी आज १००० वृक्ष लावण्यात आले असून त्यांची देखभाल मिशनच्या माध्यमातून करण्यात येणार आहे अशी माहिती मिशनचे ताराचंद करमचंदानी यांनी दिली. यापूर्वी या ठिकाणी लावण्यात आलेल्या वृक्षांचे सुंदर अशा जंगलामध्ये रूपांतरण झालेले पाहायला मिळले.
संत निरंकारी मंडळाचे सचिव जोगिंदर सुखीजा जी यांनी विस्तृत माहिती देताना सांगितले कि ‘वननेस वन’ मोहीम ही केवळ हिरवळ पसरवण्याचा उपक्रम नाही तर निसर्गाशी, मानवी जबाबदारीशी आणि सहअस्तित्वाशी असलेल्या संबंधाची भावना मजबूत करण्यासाठी एक समर्पित प्रयत्न आहे. भवरापुर येथील २०२१ मध्ये सुरू झालेली ही मोहीम आता अशा हिरव्यागार झाडांमध्ये रूपांतरित झाली आहे, ज्यांनी लहान जंगलांचे रूप धारण केले आहे. स्थलांतरित पक्ष्यांचे पुनरागमन आणि या जंगलांमध्ये जैवविविधतेचे पुनरुज्जीवन हे सिद्ध करते की हा प्रयत्न केवळ पर्यावरणाचे रक्षण करण्याचे साधन बनले नाही तर निसर्गाला पुनरुज्जीवित करण्याचे साधन देखील बनले आहे.
‘वननेस वन’ प्रकल्प केवळ वृक्षारोपण नाही तर तो निसर्ग, सेवा आणि सहअस्तित्वाची एक जिवंत चळवळ आहे. ही मोहीम भावी पिढ्यांना हिरवेगार वातावरण देण्यासाठी सतत प्रयत्नशील आहे.लावलेल्या रोपांची काळजी आणि संरक्षण करण्याची ही प्रतिज्ञा म्हणजे त्यांना घनदाट, स्वावलंबी जंगलात रूपांतरित करण्याच्या दिशेने एक ठोस पाऊल आहे जेणेकरून भावी पिढ्यांनाही या जिवंत वारशाचा फायदा घेता येईल.
सद्गुरूंच्या छत्र छायेखाली ‘वननेस वन’ ही मोहीम सेवा, समर्पण आणि निसर्गावरील प्रेमाची एक पद्धत आहे, जी पर्यावरण संरक्षणाला आध्यात्मिक अनुभवात रूपांतरित करते. निःसंशयपणे, ही मोहीम एक स्पष्ट संदेश देते की झाडे लावणे हे केवळ एक कार्य नाही तर एक संस्कार आहे. सेवा करणे हे केवळ एक कर्तव्य नाही, तर ती एक साधना आहे जी निरंकारी मिशन खूप सुंदररित्या पार पाडत आहे. यावेळी या ठिकाणी अनेक मान्यवर, प्राध्यापक, पत्रकार व ग्रामस्थ उपस्थित होते.
आम्ही झाडे लावत नाही फक्त तर झाडे लाऊन त्याचे संगोपण ही करतो, केमिकल औषधा विना झाडे जगवा, आपल्या येथे हवा ठिक नाही म्हणून मनुष्यात कॅन्सर वाढत चालला आहे, जीवन जगण्यासाठी मनुष्याला हवा ही खुप महत्त्वाची आहे. आपल्या भारतात हवे बद्दल कोणीही बोलत नाही, झाड हेच आपल्याला वाचवणार, हवा चागली पाहिजे, ती हवा आपल्या येथे भेटत नाही, झाडे आपल्याला ऑक्सिजन देतात ” पत्ता ही परमात्मा है “
–स्वामी प्रेम परिवर्तन, पीपल बाबा- पुणे.
