भीमाशंकर रोडवर भीषण अपघात; एकाचा जागीच मृत्यू तर एक गंभीर जखमी..
नितीन करडे
पुणे : भीमाशंकर रोडवर तीन वाहनांचा भीषण अपघात झाला या अपघातात एकाचा जागीच मृत्यू झाला असुन एक जण गंभीर जखमी झाला आहे . मंचर-भीमाशंकर रोडवरील चिंचपूरमळा परिसरात सोमवारी सकाळच्या अकरा च्या दरम्यान तीन वाहनांचा भीषण अपघात झाला असल्याची घटना घडली आहे . या अपघातात अजय आढळराव (वय ३३) यांचा जागीच मृत्यू झाला असून, प्रतीक कोरके हा तरुण गंभीर जखमी झाला आहे. ही दुर्घटना मंचर भीमाशंकर रोडवरील चिंचपूर मळा येथे घडली. यात बजाज पल्सर आणि यामाहा या दोन दुचाकी आणि ईको चारचाकी यांच्यात समोरासमोर धडक झाली. अपघात इतका भीषण होता की पल्सर दुचाकीचा चक्काचूर झाली आहे. आजूबाजूच्या प्रत्यक्षदर्शीच्या माहितीनुसार, अजय आढळराव आणि प्रतीक कोरके हे दोघेही आपापल्या दुचाकीवरून मंचरहून घोडेगावच्या दिशेने निघाले होते. चिंचपूर मळा येथे समोरून आलेली चारचाकी सुझुकी ईको गाडी आणि दोन्ही दुचाकींची जोरदार धडक झाली. या अपघातात अजय मनोहर आढळराव याला गंभीर मार लागून जागीच मृत्यू झाला, तर प्रतीक कोरके जखमी असून त्याला पुढील उपचारासाठी तातडीने खाजगी रुग्णालयात दाखल करण्यात आले आहे. पुढील तपास मंचर पोलीस स्टेशन करत आहे.
