ब्रेकिंग न्यूज..! धक्कादायक घटना 52 वर्षीय पुरुषाचा निर्घुण खून
✍️ नितीन करडे
हवेली तालुक्यातील उरुळी कांचन पोलीस स्टेशन हद्दीतील पेठ ग्रामपंचायत परिसरातील म्हसोबा मंदिर येथे आज खळबळजनक घटना घडली आहे. वडाचीवाडी येथील संपत चौधरी वय ५२ वर्षीय व्यक्तीची अज्ञात व्यक्तीने दगडाने ठेचून निर्घृण हत्या केल्याची घटना उघडकीस आली आहे.
घटनेची माहिती मिळताच उरुळी कांचन पोलीस घटनास्थळी दाखल झाले असून पंचनामा सुरू आहे. मृतदेह ताब्यात घेऊन शवविच्छेदनासाठी पाठवण्यात आला आहे. प्राथमिक तपासात ही हत्या अत्यंत क्रूरपणे करण्यात आल्याचे दिसून येत आहे.
हत्या नेमकी कोणामुळे व कोणत्या कारणातून झाली, याचा तपास पोलीस करत असून आरोपींचा शोध युद्धपातळीवर सुरू आहे. या घटनेमुळे परिसरात भीतीचे वातावरण पसरले आहे. पुढील तपास उरुळी कांचन पोलीस करीत आहेत.
