उरुळी कांचन ; पुणे सोलापूर महामार्गावरील उरुळी कांचन (ता. हवेली) येथील अशोक हॉटेल येथे अवैध दुभाजकावरून छोटा हत्ती (माल वाहतूक टेम्पो) वळण घेत असताना महामार्गावरून येणाऱ्या टँकरची छोटा हत्तीला जोरदार धडक बसली असुन यात छोटा हत्ती विरुद्ध दिशेला जाऊन पलटी झाला असल्याची घटना (ता. ०९ ) बुधवार रोजी १२ वाजण्याच्या दरम्यान घडली आहे.
यात प्रथमदर्शीय नागरिकांनी सागितले कि दुभाजकावरून अचानक वळत घेत असणाऱ्या छोटा हत्तीला मागून येणाऱ्या टॅंकरने वाचवण्याचा प्रयत्न केला पण छोटा हत्तीला जोरदार धडक बसली व यात छोटा हत्ती टेम्पो विरुद्ध दिशेला जाऊन पलटी झाला. असल्याचे अनंदा कुलुच यांनी सांगितले. आणि नशिबाने टेम्पो पलटी झालेल्या च्या दिशेने कुठलेही वाहन नसल्याने मोठा अपघात टळला. तसेच टॅंकर चालकाने अचानक वळण घेत असलेल्या छोटा हत्ती वाहनाला वाचवण्यासाठी खुप प्रयन्त करत जोरदार ब्रेक मारल्याने टँकर वीस फूट घासरत गेला.
यात छोटा हत्ती चालक किरकोळ जखमी झाला असल्याची माहिती मिळाली. अपघाताची माहिती मिळताच उरुळी कांचन पोलीस स्टेनचे वाहतूक शाखेचे सहाय्यक उपनिरिक्षक रमेश भोसले यांनी पहानी करून भर रस्त्यात असलेला टँकर रस्त्याच्या बाजुला केला. आणि वाहतूक सुरुळीत केली.
पुणे सोलापूर महामार्गावर अनेक ठिकाणी अवैध रित्या दुभाजक असुन त्या ठिकाणावरून वळण घेताना अनेक अपघात, पुणे सोलापूर महामार्गावरील अवैध असलेले दुभाजक बंद करा नागरिकांची मागणी , अचानक वाहने वळत असल्याने महामार्गावरून ये जा करणारे वाहने दचकतात,
- अवैध असलेले दुभाजक –
कांबळे स्टॉप, अशोका हॉटेल (उरुळी कांचन), रिलायन्स पेट्रोल पंप (जाऊजीबुआची वाडी), इंडियन ऑइल पेट्रोल पंप समोर (सहजपूर हद्द)
