✍️ नितीन करडे
धक्कादायक घटना : सात वर्षाच्या मुलीला जब्बर मारहाण करुन जीवे मारण्याचा प्रयत्न करुन गटारात फेकले…
उरुळी कांचन पोलीस स्टेशन हद्दीतील नायगाव (ता. हवेली) येथे एका सात वर्षाच्या मुलीला बेदम मारहाण करुन जीवे मारण्याचा प्रयत्न करुन गटाराच्या खड्यात फेकल्याची घटना मंगळवार (१७ डिसेंबर) रोजी सायंकाळी सात वाजण्याच्या दरम्यान उघडकीस आली आहे. मिळालेल्या माहितीनुसार नायगाव येथील ऊसतोड कामगार पत्नीला घेऊन उरुळी कांचन येथील खासगी दवाखान्यात गेला होता. ऊसतोड कामगाराची सात वर्षाची मुलगी घरी एकटीच होती. एकटी मुलगी बघुन अज्ञात व्यक्तीने मुलीचा गळा आवळून जब्बर मारहाण करुन मुलीला जीवे मारण्याच्या प्रयत्न करुन मुलीला गटाराच्या खड्यात फेकून दिल्याची घटना घडल्याची माहिती समोर आली आहे. त्यामुळे परिसरात खळबळ उडाली असुन घटनेची माहिती मिळताच उरुळी कांचन पोलीस स्टेशनचे पोलीस निरीक्षक राजेश रामाघरे, सहाय्यक पोलीस निरीक्षक ज्ञानेश्वर बाजगिरे, सहाय्यक पोलीस उपनिरीक्षक रमेश भोसले, पो हवा सुजाता भुजबळ, पो कॉ दिपक यादव, अमोल खांडेकर, राजकुमार भिसे यांनी घटनास्थळी जाऊन पुढील तपास चालु केला. तसेच मुलीला पुढील उपचारासाठी पुण्यातील सरकारी रुग्णालयात हलवण्यात आले. नक्की प्रकार काय आहे. हे अध्याप समजू शकले नाही. पुढील तपास उरुळी कांचन पोलीस करीत आहे.
