टिळेकर वाडीत जि.प प्राथमिक शाळेतील मुलांना गुलाब, चॉकलेट देऊन शाळेच्या पहिल्या दिवसाची सुरुवात
टिळेकर वाडी (ता. हवेली) येथील जिल्हा परिषद प्राथमिक शाळेतील मुलांचा शाळेचा पहिला दिवस म्हणून शाळेतील शिक्षकांनी आगळावेगळा साजरा केला. यावेळी मुलांना गुलाबचे फूल, मुलांचा गणवेश पुस्तके चॉकलेट व गोड जिलेबी देऊन पहिली ते चौथीच्या मुलांचे स्वागत करण्यात आले. यावेळी क्रांतीसुर्य महात्मा ज्योतिराव फुले व सवित्रीबाई फुले याच्या प्रतिमेचे पूजन हे पहिलीच्या वर्गातील मुला -मुलींच्या हस्ते करून सर्व मुलाचे स्वागत करण्यात आले. यावेळी टिळेकरवाडीतचे सरपंच गणेश टिळेकर, ग्रा. सदस्य गोवर्धन टिळेकर, गावचे पोलीस पाटील व हवेली तालुका पोलीस पाटील संघाचे अध्यक्ष विजय टिळेकर, मच्छिंद्र टिळेकर, मुख्याध्यापक गुणवंत गायकवाड सर, आदर्श शिक्षिका अजिता गांजाळे, अश्विनी टिळेकर, सोनाली भुजबळ, अलका भालेराव, अर्चना भालेराव, तसेच पालक वर्ग मोठ्या संख्येने उपस्थित होता. त्यावेळी गणेश टिळेकर यांनी सर्व विद्यार्थ्यांना शुभेच्छा दिल्या व सर्वांचे स्वागत केले तर आभार मुख्याध्यापक गुणवंत गायकवाड सर यांनी मानले.
