उरुळी कांचन पोलीसांकडुन डीजेवर पहिली कारवाई ; ध्वनी प्रदूषण कायद्याचे उल्लंघन करणाऱ्याची गई नाही- शंकर पाटील
✍️ नितीन करडे
उरुळी कांचन (ता. हवेली) पोलीस स्टेशन हद्दीत गणपती आगमना निमित्त उरुळी कांचन येथे लावण्यात आलेल्या डीजे वर दंडात्मक कारवाई करण्यात आली असल्याची माहिती उरुळी कांचन पोलीसांनी दिली. ही कारवाई उरुळी कांचन पोलीस स्टेशनचे पोलीस निरीक्षक शंकर पाटील यांच्या मार्गदर्शनाखाली सहा पोलीस निरीक्षक ज्ञानेश्वर बाजगिरे व अभिजित कांबळे सहाय्यक इन्स्पेक्टर, (RTO) प्रादेशिक परिवहन पुणे यांच्या मार्फत कारवाई करण्यात आली. तसेच ध्वनी प्रदूषण नियमाचे उल्लंघन करणाऱ्यांवर कारवाई केली जाणार असल्याचे पोलीस निरीक्षक शंकर पाटील यांनी सांगितले.
” ध्वनी प्रदूषण कायद्याचे उल्लंघन करणाऱ्याची गय केली जाणार नाही. त्यांच्यावर कायदेशीर कारवाई करण्यात येईल मग तो कोणी का असेना, सर्व मंडळांनी पोलीसांना सहकार्य करावे, उत्सव सर्वांचा आहे. सर्वांनी गुन्या गोविंदाने उत्सव साजरी करायचा आहे.”
-शंकर पाटील- पोलीस निरीक्षक उरुळी कांचन पोलीस स्टेशन.
