उरुळी कांचन ग्रामपंचायतीचा हलगर्जीपणा? ;चार दिवसापासुन दिवसाढवळ्या स्ट्रीट लाईट व हायमास दिवे चालुच
✍️ नितीन करडे
उरुळी कांचनमध्ये स्ट्रीट लाईट व्यवस्थेचा बोजवारा
उरुळी कांचन, (ता. हवेली) : उरुळी कांचन ग्रामपंचायत हद्दीतील विविध भागांमध्ये स्ट्रीट लाईट व हायमास दिवे दिवसभर सुरू असल्याचे चित्र गेले चार दिवसांपासून पाहायला मिळत आहे. यामुळे मोठ्या प्रमाणात विजेचा अपव्यय होत असून ग्रामपंचायतीच्या कारभाराबाबत नागरिकांमध्ये नाराजी व्यक्त केली जात आहे.
तुपे वस्ती तसेच स्मशानभूमी रोड परिसरातील स्ट्रीट लाईट दोन दिवसांपासून दिवसभर सुरू असल्याचे स्थानिक नागरिकांनी सांगितले. तसेच उरुळी कांचन रेल्वे स्टेशन परिसरातील हायमास दिवे देखील दिवसाढवळ्या सुरू असल्याने प्रशासनाच्या दुर्लक्षाचा प्रश्न उपस्थित केला जात आहे.
एकीकडे शासनाकडून वीज बचतीचे आवाहन केले जात असताना दुसरीकडे ग्रामपंचायतीच्या निष्काळजीपणामुळे सार्वजनिक विजेचा अपव्यय होत असल्याचे नागरिकांचे म्हणणे आहे. “या वाढीव विज बिलाचा फटका अखेर सर्वसामान्य नागरिकांनाच बसणार का?” असा सवालही नागरिकांकडून उपस्थित केला जात आहे. विशेष म्हणजे दिवसा सुरू असलेल्या या लाईट्समुळे ग्रामपंचायतीच्या देखभाल यंत्रणेवर प्रश्नचिन्ह निर्माण झाले आहे. ग्रामपंचायतीने तातडीने दखल घेऊन संबंधित यंत्रणा दुरुस्त करावी अशी मागणी नागरिकांनी केले आहे.
