ब्रेकींग : पुण्यात पहाटे अज्ञाताकडून घरावर गोळीबार
पुणे प्रतिनिधी :पुण्यातील वाघोली येथे एका घरावर गोळीबार झाल्याची घटना समोर आली आहे. वाघोली पोलीस स्टेशन हद्दीतील बायफ रोड येथील असलेल्या सातव यांच्या घरावर गोळीबार झाल्याची घटना समोर आली आहे. ही घटना बुधवार (ता.२५ डिसेंबर) रोजी पहाटे साडेचार वाजण्याच्या सुमारास अज्ञात व्यक्तीने घराच्या दिशेला गोळीबार केल्याचे समोर आले आहे. घटनास्थळी घराच्या आवारात फायरिंग केलेली बंदुकीची पुंगळी आढळून आली असल्याची माहिती समोर आली आहे.
सातव यांचे घर आव्हाळवाडी रोड, वडजाई वस्ती येथील बाईफ रोडवर आहे. पहाटे आलेल्या अज्ञातंकडून त्यांच्या घरावर अंदाधुंद गोळीबार करण्यात आला आहे. हा गोळीबार का करण्यात आला याची माहिती मिळु शकली नाही. पोलिसांनी घटनास्थळी धाव घेत तपास चालू केला आहे. हा गोळीबार निलेश सातव यांच्या घराच्या खिडकीच्या काचेवर केला असुन यात काचेला होल पडले असुन यात सुदैवाने यात कोणी जखमी झाले नसल्याची माहिती समोर आली आहे. हा गोळीबार कोणी व कशा कारणाने केला याचा तपास पोलीस करत आहेत.
