उरुळी कांचन-सोरतापवाडी गणातून जिल्हा परिषद निवडणुकीसाठी अनिल कदम नावाची चर्चा
✍️ प्रतिनिधी — नितीन करडे
उरुळी कांचन (ता. हवेली) : आगामी जिल्हा परिषदेच्या निवडणुकीसाठी उरुळी कांचन-सोरतापवाडी गणातून समाजसेवक अनिल रामू कदम यांची उमेदवारी चर्चा चांगलीच रंगू लागली. विविध सामाजिक उपक्रमांमुळे कदम यांनी स्व:ता ची ओळख निर्माण केली आहे.
अनिल कदम हे “अनिल बहुउद्देशीय सामाजिक संस्था” या संस्थेचे अध्यक्ष आहेत. या संस्थेच्या माध्यमातून ते मागील अनेक वर्षापासून ग्रामीण भागातील गरजूंना मदत, विद्यार्थ्यांना शैक्षणिक साहित्य, वैद्यकीय शिबिरे, रक्तदान शिबिरे, अशा विविध उपक्रमांतून सक्रियपणे कार्यरत असुन सहभाग घेत असल्याची ही चर्चा नागरिक करत आहेत.
स्थानिक पातळीवर सोरतापवाडी, उरुळी कांचन, तरडे, वळती, शिंदवणे या परिसरात अनिल रामू कदम यांचा नागरिकांशी दांडगा संपर्क असुन सामाजिक क्षेत्रातील या सातत्यपूर्ण कार्याची चर्चा रंगु लागली आहे.
