पुणे : उरुळी कांचन (ता. हवेली) येथील आश्रम रोड वरील पार्थ सारथी सोसायटी मधील (आय डी बी आय बैंकेच्या वरती) तिसऱ्या मजल्यावर उत्तम नारायण जवळकर (वय ४८ वर्षी) यांच्या घराची बुधवार (ता.१ जानेवारी) रोजी भरदिवसा घरफोडी झाली असल्याचे समोर आले आहे. पार्थ सारथी सोसायटी मधील सहा महिन्यात हि दुसऱ्यांदा भरदिवसा घरफोडी झाली आहे. मिळालेल्या माहितीनुसार नेहमी प्रमाणे बुधवारी उत्तम जवळकर हे आपल्या कुटुंबासोबत शेतात गेले होते. सायंकाळी सात वाजण्याच्या दरम्यान घरी आले तेव्हा घराचे कुलूप तोडलेल्या अवस्थेत दिसले. घरात जाऊन पाहिले तर सोने,चादी, रोख रक्कम ठेवलेले कपाटाचे लॉक तोडुन त्यातील ५ तोळे सोने ३ लाख पंन्नास हजार रु,(चालू किंमती प्रमाणे) तसेच रोख रक्कम (१ लाख ऐकतीस हजार रु.) २५ भार चांदी २२ हजार रुपये (चालू किमंती प्रमाणे), आणि हातामधील चार घड्याळ ३० हजार रुपयांचे, १ मोबाईल १५ हजार रु.असा मिळुन एकुण ५ लाख आठेच्याळीस हजार रुपयांची चोरी झाली असल्याचे घर मालक उत्तम जवळकर यांनी सांगितले.
उरुळी कांचन येथे सहा महिन्यात एकाच सोसायटी मधे दोन वेळा भर दिवसा घरफोडी..
५ लाख आठेच्याळीस हजार रुपयांचा मुद्देमाल लंपास..
उरुळी कांचन परिसरात चोऱ्यांचे सञ सुरुच..
घरफोडी करणारे संशयित चेहरे सी सी टीव्हीत कैद
याच सोसायटी मधे सहा महिन्यापूर्वी कु़ंभार यांच्या घरी ही दिवसाच घरफोडी झाली होती. या ही घरफोडीत सोने व रोख रक्कम चोरी गेली होती. अशा दिवसा ढवळ्या घरफोडी जर होत असतील तर उरुळी कांचन नागरिकांची सुरक्षिता ऐरणीवर आली असल्याचे नागरिक चर्चा करु लागले आहे. सध्या उरुळी कांचन पोलीस स्टेशन हद्दीत वाहन चोऱ्यांचे ही प्रमाण वाढले असुन दिवसाढवळ्या घर फोडी होत आहेत.
