नितीन करडे ✍️
पुणे : जेजुरी – बेल्हा महामार्गवर शिंदवणे (ता. हवेली) घाटात २४ तासात दुसरा अपघात झाला आहे. दुसरा अपघात हा टेम्पो (कॅन्टर) चा ब्रेक निकामी झाल्याने हा अपघात झाला असल्याचे चालकाने स्थानिक नागरिकांना सांगितले. टेम्पो शिंदवणे घाट उतरत असताना टेम्पोचा ब्रेक निकामी झाल्याचे चालकाला समजले व टेम्पो चालकाने टेम्पो डोंगराच्या बाजूला धडकवला त्यामुळे टेम्पो जाग्यावर थांबला आणि मोठा अपघात टळला कारण समोरच तीव्र उतार असुन खोल दरी आहे.
गुरुवार ता. १६ जानेवारी रोजी दुधाने भरलेला चौदा टायर टँकर पलटी झाला होता. या अपघातात एक जण जागीच मृत्यु तर एक जण गंभीर जखमी झाला होता. त्याच ठिकाणी आज टेम्पो (कँन्टर) चा अपघात झाला आहे. टेम्पो चालकाच्या सावधगिरी मुळे मोठा अपघात टळला.
शिंदवणे घाटात याच ठिकाणी अनेक अपघात झाले आहेत. त्यात अनेकांना आपला जीव गमवावा लागला असुन अनेक जणांना अपंगत्व पतकरावे लागले आहे. शिंदवणे घाटात अपघातात किती ? बळी गेल्यानंतर संबंधित विभागाला जाग येणार आहे. अशी चर्चा आता नागरिक करु लागले आहेत.
