मेक्सिकोमध्ये अंदाधुंद गोळीबारात 10 ठार, पोलीस तपासात गुंतले

मेक्सिकोमध्ये झालेल्या अंदाधुंद गोळीबारात 10 जणांचा मृत्यू झाला आहे, तर 7 जण जखमी झाल्याचे सांगण्यात येत आहे. मिळालेल्या माहितीनुसार, हल्लेखोर ट्रकमधून आले होते आणि त्यांनी बारमध्ये घुसून गोळीबार सुरू केला होता. गोळीबार केल्यानंतर ते तेथून पळून गेले. पोलिसांनी हल्लेखोरांचा शोध सुरू केला आहे. बारमध्ये अनेक लोक उपस्थित असताना ही घटना घडली. जखमींना रुग्णालयात दाखल करण्यात आले असून, त्यांच्यावर उपचार सुरू आहेत.