पहाटेच्या सुमारास उरुळी कांचन परिसरात भीषण अपघात
पुणे सोलापूर महामार्गावर पहाटेचा थरार! दोन चारचाकी एक दुचाकी चक्काचुर करुन घुसला टँकर दुकानात
✍️नितीन करडे
पुणे-सोलापूर महामार्गावरील उरुळी कांचन पोलीस स्टेशन शेजारी आज पहाटे भीषण अपघात झाला आहे. ऑइलने भरलेला टँकर महामार्गावरून सोलापूरच्या दिशेला जात असताना उरुळी कांचन पोलीस स्टेशन समोरील नवीन बनवण्यात आलेल्या डिव्हायडर येथे आडवे आलेल्या वाहनाला वाचवण्याच्या प्रयत्नात टँकरचे नियंत्रण सुटले आणि अमर टायर दुकानासमोर दोन कार व एक दुचाकी उभ्या असलेल्या वाहनांचा चक्काचुर करून थेट दुकानात घुसला आहे. यात टँकर चालक जखमी झाला असून घटनेची माहिती मिळताच उरुळी कांचन पोलीस स्टेशनचे पोलीस कॉन्स्टेबल अशिष उल्लाळकर यांनी घटनास्थळी धाव घेत चालकाला खाजगी रुग्णालयात उपचारासाठी दाखल केले.
🔹 ऑइलचा टँकरला आडवे आलेल्या वाहनाला वाचवण्याच्या प्रयत्नात नियंत्रण सुटून रस्त्याच्या बाजूला असलेल्या अमर टायर दुकानात घुसला
🔹 या भीषण अपघातात दुकानासमोर एक दुचाकी व दोन चारचाकी उभ्या असलेल्याचा चक्काचुर, दुकानाचे मोठ्या प्रमाणात नुकसान, टँकर दुकानात घुसल्याने मोठा आवाज आणि धूर
