पुणे : जेजुरी – बेल्हा महामार्गावरील शिंदवणे (ता. हवेली) घाटात दुधाचा टँकर पलटी होऊन एक जण जागीच ठार झाला असल्याची माहिती समोर येत असून एक जण गंभीर जखमी झाला आहे. स्थानिक नागरिकांच्या व कस्तुरी ॲम्बुलन्सच्या मदतीने गंभीर जखमीला उरुळी कांचन येथील खाजगी रुग्णालयात उपचारासाठी दाखल करण्यात आले. शिंदवणे घाट येथे मध्य भागी तीव्र उतार आहे. त्याच्या समोरील वीस फुट उंच कठडा तोडून टँकर खाली पडला. टँकर चौदा टायर असून दुधाने भरलेला होता. टँकर पलटी झाल्याने दूध पूर्ण रस्त्यावर सांडले.
