इंजिन ड्रायव्हरच्या सतर्कतेमुळे मोठी घटना टळली
पुणे प्रतिनिधी : रविवार ता. २९ डिसेंबर रोजी रात्री पावणे अकरा वाजता उरुळी कांचन (ता. हवेली) येथील तारांगण सोसायटी च्या पाठीमागच्या साईटला रेल्वे लाईन वर गॅस सिलेंडर टाकी ठेवल्याची घटना घडली असुन उरुळी कांचन पोलीस स्टेशन येथे अज्ञाताविरोधात गुन्हा दाखल करण्यात आला आहे.
गाडी नंबर १२०२६ शताब्दी एक्सप्रेस ही प्रवाशांनी भरलेली सिकंदराबाद हुन पुण्याकडे जात होती. गाडीने उरुळी कांचन रेल्वे स्टेशन पास केल्यानंतर उरुळी कांचन हद्दीतील तारांगण सोसायटीच्या परिसरातील रेल्वे विदयुत पोल किलोमीटर नं. २१९/७-५ च्या मध्ये रेल्वे लाईन वर एक लाल रंगाचा भरलेला गॅस सिलेंडर शताब्दी एक्रप्रेसचे पायलट (इंजिन ड्रायव्हर) आर. टी. वाणी यांना दिसल्याने रेल्वे पायलट वाणी यांनी गाडीचा वेग कमी केला. परंतु रेल्वे गाडीचा वेग जास्त असल्याने रेल्वे गाडी कंन्टोल न झाल्याने रेल्वे ट्रॅक मध्ये असलेल्या लाल रंगाच्या सिलेंडर टाकीला रेल्वे इंजिनची किरकोळ ठोस बसली. त्यानंतर रेल्वे पायलट वाणी आणि टेन मॅनेजर केतन रत्नानी यांनी गाडीतुन खाली उतरून रेल्वे ट्रॅक मध्ये असलेल्या सिलेंडर टाकीचे निरीक्षण केले. तर गॅस सिलेंडर हा प्रिया गोल्ड कंपनीचा (चार किलोचा) भरलेल्या अवस्थेत होता. रेल्वे पायलटच्या सतर्कतेमुळे मोठी घटना टळली. भरलेला सिलेंडर रेल्वे रुळावर कोणी व कुठल्या उद्देशाने ठेवला याचा तपास पोलीस करत आहेत.
