नितीन करडे
उरुळी कांचन (ता. हवेली) पुणे सोलापूर महामार्गावरील एलाईट चौकात कार रस्ता ओलांडून जात असताना त्यावेळी सोलापूरच्या दिशेनी पिकप निघाली होती. रस्ता ओलांडत असणाऱ्या कार चालकाला पिकप चालकाने खाली उतरुन शिवीगाळ करत कारची चावी काढुन घेऊन बेदम हाणामार केल्याची घटना साडे पाच वाजण्याच्या दरम्यान घडली आहे. पिकप चालकाची भर रस्त्यावर दादागिरी चालु होती. पिकप चालक दारुच्या नशेत असल्याने तो कोणाचे ऐकून घेत नसल्याचे स्थानिक नागरिकांनी सांगितले. तसेच यावेळी एलाईट चौकात पोलीस कर्मचारी नसल्याने हा प्रकार जास्त वेळ चालला होता. यावेळी बघ्याची मोठी गर्दी झाल्याने वाहतूक कोंडी झाली होती.उरुळी कांचन हा चौक नेहमीच गजबजलेला असतो याठिकाणी कायमस्वरूपी पूर्ण वेळ पोलीस कर्मचारी उपस्थित असणे गरजेचे आहे.तसेच वाहतूक कोंडी अनेकवेळा होत असताना व रस्त्यालगत पोलीस स्टेशन असून देखील या वारंवार घडणाऱ्या प्रकारांकडे पोलीस स्टेशन दुर्लक्ष करताना दिसत आहे.
