नितीन करडे
उरुळी कांचन (ता. हवेली) उरुळी कांचन पोलीस स्टेशन हद्दीत चोरीचे सत्र सुरुच आहे. उरुळी कांचन मधील शिंदवणे रोड येथील कपड्याचे दुकान फोडुन ऐंशी हजाराचा माल चोरट्यांनी लंपास केला असल्याची घटना मंगळवार (ता.१७ जुन रोजी) पहाटे घडली आहे. तसेच चोरी करणारे दोन चोर सीसीटीव्ही मध्ये कैद झाले आहेत.
” चोरी करण्यासाठी चोरांना उरुळी कांचन परिसर सुरक्षित, सोपे ठिकाण, नागरिकांकडून चर्चेला उदान ”
मिळालेल्या माहितीनुसार रामदास हनुमंत डोंबाळे (वय २९ रा. शिंदवणे) पुणे, यांचे शिंदवणे रोड येथील विष्णु कृपा कार्यालयाच्या शेजारी चिंतामणी कपड्याचे दुकान आहे. पहाटे तीन वाजण्याच्या सुमारास दोन अज्ञान चोरट्या दुकान फोडून दुकानातील ८० हजारच्या रुपयांच्या आस पास चोरी झाली असल्याचे रामदास डोंबाळे यांनी सांगितले. यात चोरांनी कपड्याच्या दुकानातून शर्ट, पॅन्ट, साड्या, लेडीज मटरेल असा माल चोरी गेला असल्याचे दुकान मालकांनी सांगितले. तसेच उरुळी कांचन परिसरात महिन्यात अनेक ठिकाणी भर दिवसा व राञी चोऱ्या झाल्या आहेत.
