उरुळी कांचन–गुरु्हळीतील दोन गटांत तुफान हाणामारी; फायरिंग, कोयत्याचा हल्ला, दोन दुचाकी जाळल्या
नितीन करडे | पुणे प्रतिनिधी
पुरंदर तालुक्यात शुक्रवारी (ता. 16) रात्री साडे दहा वाजता सासवड पोलीस स्टेशन हद्दीतील वाघापूर चौफुला परिसरात दोन गटांत तुंबळ हाणामारी झाली. या वेळी कोयत्याने वार करत एकावर जीवघेणा हल्ला, हवेत फायरिंग करण्यात आली असून दोन मोटारसायकली जाळण्यात आल्या.
हातात धारदार शस्त्र घेऊन!
मिळालेल्या माहितीनुसार हे दोन गट उरुळी कांचन व गुरु्हळी परिसरातील असल्याची चर्चा आहे. घटनेमुळे परिसरात भीतीचे वातावरण पसरले. जखमी व्यक्तीला उपचारासाठी रुग्णालयात दाखल करण्यात आले आहे.
घटनेची माहिती मिळताच सासवड पोलीस स्टेशनचे पोलीस निरीक्षक कुमार कदम यांच्या नेतृत्वाखाली सासवड पोलीस घटनास्थळी दाखल झाले. पुरावे ताब्यात घेऊन आरोपींचा शोध सुरू असून, परिस्थिती नियंत्रणात ठेवण्यासाठी अतिरिक्त पोलीस बंदोबस्त तैनात करण्यात आला आहे.
