प्रवाशांची रात्रीच्या वेळी चोरी करुन लुटणाऱ्या रिक्षाचालक सह दोन बालकाकडुन ३,७०,२०० रुपयांचा मुद्दमाल जप्त
✍️ नितीन करडे
पुणे : पुणे शहर भागात प्रवाशांची रात्रीच्या वेळी चोरी करुन लुटणारा रिक्षाचालका सह दोन बालकाकडुन ३,७०,२०० रुपयांचा मुद्दमाल वानवडी पोलीस जप्त केला आहे. पोलीसांनी दिलेल्या माहितीनुसार वानवडी पोलिसांनी गुप्त माहितीच्या आधारे कारवाई करून फैजान मोहम्मद गौस शेख (रा. उरुळी देवाची) व दोन बालकांना वानवडी पोलिसांनी पकडले आहे . हे तिघे रिक्षातून प्रवाशांना निर्जन ठिकाणी नेऊन चाकूचा धाक दाखवून मोबाईल व रोख रक्कम लुटत होते. त्यांच्याकडून १ रिक्षा, १ चाकू आणि एकूण ३० मोबाईल (३ लाख ७० हजार २०० रु किंमतीचा मुद्देमाल) हस्तगत करण्यात आला आहे. आरोपींनी पुणे स्टेशन व वानवडी परिसरात केलेल्या एकापेक्षा अधिक चोरीची कबुली दिली आहे.
वानवडी पोलिसांची उल्लेखनीय कामगिरी !
सदरची कारवाई ही डॉ. राजकुमार शिंदे, पोलीस उप-आयुक्त परिमंडळ ०५ पुणे शहर, धन्यकुमार गोडसे, सहा. पोलीस आयुक्त वानवडी विभाग, पुणे शहर व विजयकुमार डोके, वरिष्ठ पोलीस निरीक्षक, वानवडी पो. स्टे. पुणे शहर यांच्या सुचना व मार्गदर्शनाखाली तपास पथकाचे सहा. पोलीस निरीक्षक उमाकांत महाडिक व पो अंमलदार दया शेगर, महेश गाढवे, अमोल पिलाणे, अतुल गायकवाड, विष्णू सुतार, गोपाळ मदने, अभिजित चव्हाण, अमोल गायकवाड, अर्शद सय्यद, विठ्ठल चोरमले, भोसले, बालाजी वाघमारे, आशिष कांबळे महीला पोलीस अंमलदार सुजाता फुलसुंदर या पथकाने केली आहे.
