दारूच्या नशेत पोलिसाकडून अपघात – सहा वाहनांना धडक, अनेक जखमी!
पुणे ग्रामीण पोलीसावर प्रकरण दडपल्याचा आरोप
✍️ प्रतिनिधी – नितीन करडे
Pune crime: ( पुणे ) पुणे जिल्ह्यातील रांजणगाव एमआयडीसी येथे कार्यरत असलेले पोलीस कॉन्स्टेबल हेमंत इनामे यांनी रविवारी रात्री मद्यप्राशन केल्यानंतर कार चालविताना भीषण अपघात घडवला. दारूच्या नशेत असलेल्या इनामेंनी पुणे–नगर महामार्गावर सहा वाहनांना धडक दिली, यात अनेक नागरिक गंभीर जखमी झाले आहेत.
पुणे ग्रामीण पोलीसांवर प्रकरण दडपल्याचा आरोप
घटनास्थळी झालेल्या गोंधळानंतरही रांजणगाव पोलिसांनी केवळ गुन्हा दाखल करून थांबले असल्याचा आरोप आहे. संबंधित कॉन्स्टेबलला अटक करण्यात आलेली नाही तसेच वैद्यकीय तपासणीही करण्यात आलेली नाही, अशी माहिती स्थानिक नागरिकांकडून समोर आली आहे.
या प्रकरणी पोलिस यंत्रणेकडून प्रकरण दडपण्याचा प्रयत्न होत असल्याचे आरोप होत असून नागरिकांमध्ये संताप व्यक्त केला जात आहे.
