उरुळी कांचन गावाच्या उरसातुन लहान मुलांच्या दागिन्यांच्या चोऱ्या
✍️ नितीन करडे
उरुळी कांचन (ता. हवेली) येथे सुरू असलेल्या उरसाच्या पार्श्वभूमीवर गर्दीचा फायदा घेत अज्ञात चोरट्यांनी अनेक लहान मुला-मुलींच्या गळ्यातील व कानातील सोन्याचे दागिने चोरी केल्याच्या घटना घडल्या आहेत. या प्रकारामुळे नागरिकांमध्ये भीतीचे वातावरण निर्माण झाले आहे.
मिळालेल्या माहितीनुसार, रविवार (ता. ०८ मार्च ) रोजी सायंकाळी उरसासाठी उरुळी कांचन सह परिसरातील अनेक गावातून मोठ्या प्रमाणावर भाविक व नागरिक गावात येत असल्याने परिसरात प्रचंड गर्दी होत आहे. या गर्दीचा फायदा घेत काही अज्ञात व्यक्ती लहान मुला-मुलींच्या गळ्यातील कानातील दागिने हिसकावून पळ काढत आहेत. ही चोरी मोठा पाळणा या ठिकाणी चार पाच मुलांचे दागिने हिसकावून चोरी गेले चे समजले असे पालकांनी सांगितले. व त्याच ठिकाणी जास्त गर्दी आहे.
दरम्यान, या पार्श्वभूमीवर पोलिसांनी नागरिकांना सतर्क राहण्याचे आवाहन केले आहे. विशेषतः उर्साच्या गर्दीत लहान मुलांना एकटे सोडू नये तसेच त्यांच्या अंगावर मौल्यवान दागिने घालणे टाळावे, असे आवाहन उरुळी कांचन पोलीस स्टेशनचे पोलिस निरिक्षक सचिन वांगडे यांनी केले आहे. तसेच संशयास्पद हालचाल दिसल्यास त्वरित पोलीसांना माहिती द्यावी.
